Emoî kuatiáre Tupã remimbou Efeso guápe peguarã

1 Emoî kuatiáre Tupã remimbou Efeso guápe peguarã: Kóicha he'i pe oguerekóva 7 mbyja ipo akatúape ha oikóva umi 7 tataindy renda órova pa'ûme:
2 "Che aikuaa opa rejapóva. Aikuaa umi ne rembiapo asyeta ha reha'ãrõ kuaa hague. Aikuaa ave, ndaikatuiha rehecha umi heko añávape. Aikuaa avei rejepytaso hague umi he'ívape ijehe apostolha ha ndaha'éi, ha remyesakã tekove japuha.
3 Reha'ãrõ kuaa vaekue ha heta rehasa asy che rehehápe, ne kane'õ'ÿre.
4 Oime jepe areko ha'e vaerã nde rehe: nderereko véima pe mborayhu rereko vaekue iñepyrûrã.
5 Upévare, ne mandu'áke moõguipa re'a ra'e. Ejere Tupã gotyo ha ejapo jevy pe iñepyrûháme rejapo vaekue. Peicha'ÿrõ, aháta ndéve ha aipe'áta pe oîhágui ne tataindy renda. Rejere ramo Tupã gotyo mante nahániri mo'ãi.
6 Rereko jepe ndéve guarã iporãva. Na nde a'éi umi nicolaíta ojapóvare, nda che a'eiháicha avei che.
7 Ijapysáva tohendu Espíritu he'íva umi Tupã iglésiape! Umi osê porãvape ame'êta ho'u ha§ua pe yvyra rakã oporomoingovéva vaekue, oîva Tupã Yvatýpe." (Revelation 2:1-7)