Emoî avei kuatiáre iglesia Sardes peguápe guarã

1 Emoî avei kuatiáre iglesia Sardes peguápe guarã: "Kóicha he'i pe oguerekóva umi 7 Tupã Espíritu ha umi 7 mbyja: `Che aikuaa opa mba'e rejapóva, ha aikuaa remanomaha, ne rerakuã ramo jepe reikoveha.
2 Epáy, ha emombarete umi opytáva gueteri, ha oîmava omano ha§uáicha. Ahecha niko umi rejapóva ndaha'eiha iporãmbaitéva che, Tupã renondépe.
3 Ne mandu'áke umi reikuaa vaekuére, tereho hapykuéri ha ejevy Tupã gotyo. Nderepáyri ramo, aháta ndéve mondaháicha, reha'arõ'ÿve jave.
4 Upe Sárdespe, rereko jepe umi nomongy'ái vaekue ijao. Ha'e kuéra oikóne che ndive iñemondeha morotî reheve, hembiapo kuerakue ojerurégui upéva.
5 Umi osê porãva oñemondéta ao morotîme, ha ndajohýi chéne héra kuéra pe jeikove kuatia ñe'êgui. Ha ha'éne katu che Ru ha hemimbou kuéra renondépe, ha'e kuéra che mba'eha.
6 Ijapysáva tohendu mba'épa he'i Espíritu umi Tupã iglésiape!'" (Revelation 3:1-6)