Emoî avei kuatiáre pe Tupã remimbou Tiatira peguápe guarã

18 Emoî avei kuatiáre pe Tupã remimbou Tiatira peguápe guarã: "Kóicha he'i Tupã Ra'y, pe hesa tata rendýichava ha ipy bronce isÿi pyrévaicha:
19 `Che aikuaa opa rejapóva. Aikuaa ne mborayhu, nde jerovia, ne rembiapo ha nde reko ra'arõ kuaa. Ha aikuaa rejapo hetaveha pe iñepyrûháme guarégui.
20 Areko jepe peteî mba'e ha'e vaerã nde rehe. Ne kangy pe kuña Jezabel ndive, he'íva ijehe maranduharaha, ha ombotavýva che rembiguái kuérape, omyañañávo chupe kuéra teko vaípe ha ho'úvo umi tymba ojejuka vaekue kuave'êmby ramo ta'ãnga rei kuérape.
21 Are aheja vaekue chupe oguerovia ha§ua Tupãme, ha'e katu upéva ndojaposéi ha ndohejái heko vai.
22 Upévare, aitýta chupe tupa ohasa asytahápe, ha umi hendive omyakãratîva vaekue hembirekópe. Ojapónte ramo hikuái upéicha heta ambohasa asýta chupe kuéra.
23 Ha ajukáta avei opa hendive oikóvape, upéicharõ umi Tupã iglesia ohecha kuaáta che aikuaaha opavave apytu'û ha ipy'a ruguaite peve, ha peteîteîvape amyengoviáta ojerureháicha hembiapokue.
24 Peê katu, peikóva Tiatírape ha ndapehói vaekue umi mba'e umíva rapykuéri, ha'e kuéra ombohérava `Satanas mba'e ñemi pypuku', peême katu ha'e namoî mo'ãiha pende ári ambue mba'e ipohýiva
25 Ha pereko kuaáke umi perekóva, che aju peve.
26 Umi osê porãvape ha ojapo ipaha peve umi che aipotáva ojejapo, ahejáta ipu'aka tetã nguérare,
27
28 che Ru ome'ê haguéicha chéve pu'aka. Mbaretépe oisambyhýta ha ha'e kuéra umi nguéra, ha kambuchi jekakuéicha ohejáta. Ha ame'êne avei chupe kuéra mbyja ko'ê.
29 Ijapysáva tohendu ko'ã mba'e Espíritu he'íva umi Tupã iglesia rehe!" (Revelation 2:18-29)